Announcement Announcement Module
Collapse
No announcement yet.
f3 بعض مميزات البى واى دى Page Title Module
Move Remove Collapse
X
Conversation Detail Module
Collapse
  • Filter
  • Time
  • Show
Clear All
new posts

  • f3 بعض مميزات البى واى دى

    عربيه زيرو و بالضمان يعنى لو اى عيب ظهر هما ملزمين بتصليحه على حسابهم , يعنى حتفكك من وجع دماغ المستعمل

    معروضه عند الوكيل بتاعها , (استلام فورى) يعنى مش حضطر تحجز و تستنى كام شهر عشان تستلمها و حتبعد عن المعارض و زيادة سعر العربيه عن سعرها المعلن لدى الوكيل و كمان حتقدر تتفرج عليها و تفليها قبل ما تشتريها مش زى عربيات تانيه عايزين يبعوهالك غميضى

    عربيه شكلها لسه جديد على السوق المصرى , و متلاقيهاش ركنه تحت بيتك بالتلاته اربعه , و حتقعد فتره تحس بالتميز و الإنفراد لحد ما العربيه تنتشر اكتر ساعتها حتكون قدمت و الموضوع مش حيفرق معاك و مش حتركز فيه اوى , دا غير ان حجمها كبير و ده مديها فخامه و برستيج مش حتلاقيه غير فى العربيات اللى اغلى منها بكتير و اللى فى فئات اعلى

    عربيه شكلها حلو من بره و مفيش فى تصميمها حاجه شاذه او حاجه تغيظ , و خطوطها انسيابيه و فوانيسها الاماميه و الخلفيه جميله , ليها كاريزما خاصه و شخصيه مستقله و شكل ملفت للأنظار

    صالونها من الداخل كبير المساحه و السقف عالى مش كابس على دماغ اللى راكبين

    شنطتها كبيره جدا و اماكن التخزين فى صالونها ايضا كتير , يعنى تنفع للسفر و للعائلات

    عربيه خدمه شاقه و حمالة اسيه بشهادة سواقين التاكسى و قطع غيارها الاصليه متوفره و مش غاليه و فيه البدائل اليابانيه ممكن تركب عادى و صيانتها سهله مش معقده

    موتور قوى 1600 سى سى 106 حصان, و كفايه انه سمعه الموتور ده كويسه يعنى مش زى مواتير تانيه نمساوى بتخرب و مابينفعش تتصلح تانى ا

    مابتكلش بنزين يعنى مش بلاعه للبنزين

    العربيه ثابته على السرعات العاليه و فى الملفات الصعبه و دركسيونها ناعم و مع ذلك هى عاليه عن الارض و ده كويس عشان طبيعة الشوارع المصريه

    عربيه سمعتها كويسه خارج مصر و جوه مصر , كفايه انها الاكثر مبيعا فى الصين بلد ال 2 مليار نسمه

    3
    نجوم فى إختبارات التصادم و فرامل ايه بى اس و اي بى دى و وسادات هواء و احزمة امان قدام و فل الكنبه الخلفيه و دعامات فى الابواب , و احنا مش اد سعر الفولفو عشان كده مبنفكرش فى فولفو , كفايه علينا البى واى دى على اد فلوسنا

    عربيه عائليه و ممكن تنفع شبابيه برضه عشان شكلها حلو
    Last edited by subzero; 07-07-13, 17:36.
Working...
X