Announcement Announcement Module
Collapse
No announcement yet.
اهم قواعد السواقه عند المصرين Page Title Module
Move Remove Collapse
X
Conversation Detail Module
Collapse
  • Filter
  • Time
  • Show
Clear All
new posts

  • اهم قواعد السواقه عند المصرين


    القاعدة الأولى

    لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!!ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه

    القاعدة الثانيه

    قاعدة طرف البوز : اللي يدخل ببوز عربيته الاول للتقاطع هو صاحب أولوية المرور احرص على أن تكون صاحب أول بوز

    ملحوظة: لا تطبق طرف الـبوز مع أي لوري أو أتوبيس، حرصاً على بوزك عربيتك

    القاعدة الثالثة

    الإشارات تكشف نواياك للأعداء، أياك أن تستخدمها! الشارع كل من وراك مراقبك... توهه و أوعى تخليه يعرف انت داخل شمال ولا يمين

    القاعدة الرابعة

    لا تترك مسافة للأمان بينك و بين السياة التي أمامك فهذا له عدة مخاطر

    عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية

    حتدي فرصة للعيال يعملوا غرز قدامك

    كل المشاة حيغمضوا عينيهم و يعدوا من الحته دي

    الي وراك حيقعد يزمر - لو كان مؤدب
    أو تسمع شوية أسامي حيوانات لو كان سواق - مؤدب
    أو حيخبطك من ورا لو كان سواق ميكروباص

    الإشارات مش معمولة علشان تنظم المرور ، معمولة علشان شكل القاهرة يبقى متحضر بس

    اعتمد على العساكر مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوريأو يفضل أن تستعمل البوز بيز راجع القاعدة الثانية

    القاعدة الخامسة

    اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا

    القاعدة السادسة

    معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط

    القاعدة السابعة

    الشارع مكان مقرف، سوق بأسرع ما يمكن حتى تتخلص من هذا الهم بسرعة، الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.

    القاعدة الثامنة

    من حقوقك الدستورية أن تركن أمام باب المحل الذي تريد أن تشتري منه، اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟

    القاعدة التاسعة

    من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق

    القاعدة العاشرة

    إحترس من ثلاث أنواع من السائقيين بيسوقوا و كأنهم مش ممكن يموتوا

    Computer Games
    العيال الي بيلعبوا فاكريين إن ممكن يكسبوا زيادة لو ساقوا أسرع
    Life
    موتوسيكلات توصيل الطلبات
    ( Home Delivery )

    سواقين الميكروباص


    القاعدة الحادية عشر


    الرصيف ليس للمشاه، بل لركن السيارات و فرشات الباعة الجائليين و المحلات... الخ، لذلك يحق للمشاة السير في وسط الشارع، لمزيد من الأمان

    انا كتبت الموضوع بالطريقه الكوميديه دى للتبسيط

  • #2
    موضوع رائع جدا --- فعلا حقيقى الكلام ده

    Comment


    • #3
      teslm 3 information

      Comment

      Working...
      X